اكيد كلنادوزنا العطلة فاجواء زوينة فالبحر ودابا فيك اثار الشمس دخلي نقوليك الحل

قناع قشور البرتقال لاثار الشمس


طبعا الصيف تيخلي البشرة ديالنا وديال الوليدات
في حاااااالة مع الشمس والعرق والحساسية وزيد وزيد
والقناع الي جبت لك اليوم ساهل ماهل غير خاصك
تستغلي الفرصة وتجمعي ليا
قشور الليمون
اي البرتقال وتكرميهم في الشمس حتى يوليوا نيت بحال العواد وطحنيهم وتاخذي معلقة من مسحوق البرتقال مع معلقة الحليب الي تنشربوا وتعمليه قناع للوجه وتخليه مدة نصف ساعة وتغسلي ومن بعد تمسحي بماء الزهر وهذا تعمليه سواء الصغار او الكبار تيزول الصدا ديال
الشمس وديك الكحولة الي تتسمر مع البحر وتيوليوا بحال الصوماليين او الهنود هههههه
وتيصفي الوجه ويخليه ناصع ومع فيتامين س الي تتعطي بريق واشراقة للبشرة ويخليها صافية